Bingung gara-gara ada tugas suruh buat sesorah (pidato basa jawa)? biasanya menjelang ujian praktek tingkat SD, SMP, SMA banyak orang yang minta dibuatin naskah sesorah, berdasar pengalaman dulu sewaktu ujian praktek SMP sih gitu suruh buat naskah sesorah pepisahan. Nih solusinya buat kalian yang masih belum ngerti dan bingung mau buat sesorah tapi ngga tau bahasanya. Suruh buat pidato pake bahasa indonesia abis itu dihafalin ga bisa-bisa? apalagi ini yang pake bahasa jawa? Ini teks naskah pidato bahasa jawa ku waktu ujian praktek SMP dulu. hehe... Ini buat kalian semua, contoh teks naskah sesorah (pidato basa jawa) wakil kelas IX. tenang bahasanya gampang diapalin kok, semoga bermanfaat :))
SESORAH PEPISAHAN SMP NEGERI 8 PURWOKERTO
Assalamu
‘Alaikum Wr. Wb
Bapak Suparjo M.Pd. Minangka
pangarsaning SMP Negeri 8 Purwokerto ingkang pantes sinudarsana, tamu
undhangan, bapak ibu guru saha karyawan ingkang kinurmatan, adhik-adhik kelas
7, 8 lan kanca-kanca kelas 9 ingkang kula tresnani.
Puji syukur konjuk ing ngarsanipun
Gusti Ingkang Maha Agung, dene ing wekdal menika kita sedaya taksih pinaringan
rahmat, saengga ing wekdal menika kita saged makempal kanthi pinayungan
karaharjan.
Kula minangka sesulih saking siswa
kelas 9, ngaturaken agunging panuwun ingkang tanpa upami dhumateng para dwija
awit saking sih katresnan anggenipun nggulawentah dhumateng kula sakanca,
saengga saged ngrampungaken kuwajiban anggen kula sakanca ngangsu kawruh ing
pawiyatan menika. Kula sakanca namung saged memuji, mugi-mugi sedaya amal lan
kesaenan bapak ibu guru pikantuk piwales saking Gusti Ingkang Maha Agung saha
tansah pinaringan kasarasan, kawilujengan lan katemtreman, saengga saged
anggulawentah dhateng adhik-adhik sedaya ngantos dumugi paripurna kanthi biji
ingkang maremaken. Mboten kesupen kula sakanca ugi nyuwun pangapunten, awit
kula sakanca asring, ndamel bapak ibu duka lan kuciwa awit saking atur saha
solah bawa kula sakanca ingkang mboten mranani penggalih dhumateng bapak lan
ibu para dwija SMP Negeri 8 Purwokerto.
Dhumateng adhik-adhik kelas 7 lan 8
ingkang satuhu kula tresnani, mugi-mugi tansah sregep anggenipun ngangsu kawruh
ing pawiyatan menika. Dadosa siswa ingkang tansah setya tuhu dhateng dawuhipun
guru, tansah ngurmati lan ngajeni dhateng tiyang sepuh.
Bapak ibu guru, karyawan saha
adhik-adhik ingkang kula tresnani, kula sakanca ngraosaken awrat sanget badhe
nilaraken panjenengan sedya ing pawiyatan menika, amargi raos sih katresnan
saking panjengan sami sampun rumasuk wonten ing manah kula sakanca. Nanging
kula sakanca mangertos bilih menawi wonten pepanggihan temtu kemawon wonten
pepisahan. Mila wekdal punika kula badhe nyuwun pamit lan nyuwun donga
pangestu, mugi-mugi sesampunipun medal saking pawiyatan menika. Kula sakanca
saged nglajengaken anggenipun ngangsu kawruh wonten ing pawiyatan ingkang
langkung inggil.
Dhumateng
bapak ibu lan adhik-adhik sedaya sepisan malih kula ndedonga mugi tansah
pinaringan rahmat saha barokahing Gusti.
Wusana
cekap semanten atur kula, menawi kathah kalepatan atur saha solah bawa ingkang
mboten mranani penggalih. Kula nyuwun agunging samudra pangaksami.
Wassalamu
‘Alaikum Wr. Wb
Salsa Adi Aldila
Tidak ada komentar:
Posting Komentar